ضلع باجوڑ کی تحصیل ماموند میں انسداد پولیو ٹیم کی سکیورٹی پر مامور پولیس اہلکار نامعلوم افراد کی فائرنگ سےجاں بحق ہوگئے.
پولیس ذرائع کے مطابق انسداد پولیو مہم کے دوسرے روز تحصیل ماموند کے علاقے کٹکوٹ میں پولیو ٹیم کی سکیورٹی پرتعینات پولیس اہلکار پر نامعلوم مسلح افراد نے فائرنگ کی جس کے نتیجے میںوہ شدید زخمی ہوگئے
زخمی اہلکار اعظم خان کو فوری طور پر ڈی ایچ کیو اسپتال منتقل کیا گیا جہاںوہ دوران علاج زخموں کی تاب نہ لاتے ہوئے جاںبحق ہوگئے.
حملہ آور فائرنگ کے بعد جائے وقوعہ سے فرار ہونے میںکامیاب ہوگئے.
واقعے کے بعد پولیس نے علاقہ کو گھیرے میں لے کر ملزمان کے خلاف سرچ آپریشن شروع کیا۔
باجوڑ میں اس سے قبل بھی انسداد پولیو ٹیم کے ساتھ ڈیوٹی پر تعینات پولیس اہلکاروں کو نامعلوم افراد کی جانب سے نشانہ بنایا گیا ہے۔رواں سال 8 جنوری کو باجوڑ کے علاقے بیلوٹ فرش میں انسداد پولیو مہم کی سیکیورٹی کےلئے جانے والی پولیس ٹرک کے قریب بم دھماکے میں پانچ پولیس اہلکار جاں بحق جبکہ 22 زخمی ہوگئے تھے۔
