چمن:پاک افغان سرحد پر 9 روز بعد آمد و رفت کا سلسلہ بحال کردیا گیا ہے۔تفصیلات کے مطابق افغان سرحد سے پاکستانی فورسز پر 13 نومبر کو حملے کے بعد سے باب دوستی بند کردیا گیا تھا۔
اس حملے میں ایف سی کا ایک اہلکار شہید جبکہ 2 اہلکار زخمی ہوگئے تھے جس کے بعد سرحد پر ہونے والی تجارتی سرگرمیاں متاثر ہوگئی تھیں جبکہ مسافروں کو بھی مشکلات کا سامنا تھا۔
دوسری جانب سرحد کے حوالے سے سات روز سے جاری مذاکرات بالا آخر کامیاب ہوگئے ہیں جس کے بعد آج سے پاک افغان سرحد آمد و رفت کیلئے 9 روز بعد کھول دی گئ ہے۔اس حوالے سے ڈی سی چمن کا کہنا ہے کہ سات روز سے جاری مذاکرات میں بارڈر معاملات کا جائزہ لیا گیا ہے
جبکہ مستقبل میں ایسے واقعات کی روک تھام کیلئے اہم فیصلے بھی کئے گئے ہیں۔ذرائع کے مطابق مذاکرات میں دونوں ملکوں کے سول اور عسکری حکام شریک ہوئے جس میں مذاکرات میں خواتین کیلئے بارڈر پر علیحدہ گذرگاہ بنانے پر بھی غور کیا گیا ہے۔
خیال رہے کہ باب دوستی چمن پیدل آمدورفت کیلئے صبح 8 سے شام 5 بجے تک کھلا رہے گا جبکہ ٹریڈ کیلئے صبح 8 سے رات 8 تک کھلا رہے گا۔
