توشہ خانہ کیس میں عمران خان کی اہلیہ بشریٰ بی بی نیب میں طلب

قومی احتساب بیورو (نیب) نے توشہ خانہ کیس میں سابق وزیراعظم عمران خان کی اہلیہ بشریٰ بی بی کو طلب کرلیا۔

ٹیم بشریٰ بی بی کو نوٹس دینے زمان پارک پہنچ گئی.نوٹس میں بشریٰ بی بی کو 21 مارچ کو طلب کیا گیا ہے۔

واضح رہے کہ اس سے قبل، توشہ خانہ کیس کی تحقیقات کے لیے نیب نےچیئرمین تحریک انصاف اور سابق خاتون اول بشریٰ بی بی کو 9 مارچ کو راولپنڈی آفس میں طلب کیا تھا۔طلبی کا نوٹس عمران خان کی رہائش گاہ بنی گالہ اور چک شہزاد اسلام آباد کے گھر پر بھیجا گیا تھا۔

نوٹس میں قومی احتساب بیورو (نیب) نے عمران خان پر الزام عائد کیا تھا کہ انہوں نے اپنے دور حکومت میں ملنے والے تحائف کو فروخت کیا جن میں چار رولیکس گھڑیاں، ایک آئی فون جو انہیں 2018ء میں قطر آرمڈ فورسز کی جانب سے دیا گیا، قیمتی گھڑی اور دیگر تحائف شامل ہیں جو انہوں نے خلاف قانون فروخت کیے۔