ملک کی معروف اداکارہ و میزبان مشی خان نے 15 مارچ 2023 کو جنوبی وزیرستان میں ہونے والے ڈرون حملے پرافسوس کا اظہارکرتے ہوئے کہا ہے کہ2018 کے بعد جنوبی وزیرستان میں پہلا ڈرون حملہ ہوا ہے جس کے پیچھے عمران خان نے کہا تھاکہ ایبسولوٹلی ناٹ اور یہ دیکھیں آج بیچارے دو معصوم بچے شہید ہوگئے۔
ٹویٹرپرجاری ویٖڈیو بیان میں مشی خان کا کہناتھاکہ ارباب اختیار سن لیں یہ اپنے پاکستانی ہیں، یہ ایبسولوٹلی یس کہنے کا نتیجہ ہوا ہے کہ آج دوبارہ پاکستان کے ہی شہر میں وہی خونریزی شروع ہوگئی ہے۔
This is the reason people of Pakistan are wholeheartedly supporting Mr @ImranKhanPTI because he’s fearless & brave,who stands up for his Nation like Steel.First drone attack on civilians in south Waziristan killing 2 innocent kids. Disgraceful. Who is responsible? #DroneAttack pic.twitter.com/W9SN3f9Esr
— Mishi khan (@mishilicious) March 15, 2023
انہوں نے کہاکہ ہم اسلئے عمران خان کی حفاظت کررہےہیں ان کےلئے آواز اٹھارہے ہیں کیونکہ وہ ایک دلیرآدمی ہے،وہ اپنے قوم کےساتھ کھڑا ہے ،آپ لوگوں کی طرح نہیں ہے کہ اجازت دیدی اور یہ تماشہ پھر سے شروع کردیا۔
واضح رہے کہ گذشتہ روز (15 مارچ)کو جنوبی وزیرستان کے علاقے زانگاڑہ میں ایک مبینہ ڈرون حملے میں دو بچے جاںبحق ہوگئے تھے،ڈرون حملے کے خلاف پاکستان تحریک انصاف کے رہنما سجیل برکی اور سابق ممبر خیبرپختونخواسمبلی انیتہ محسود سمیت سینکڑوں کارکنان نے زمان پارک لاہور میں احتجاجی مظاہرہ بھی کیا تھا.
