نازش
راولپنڈی میں دیور نے ساتھیوں کے ساتھ مل کر اپنے بیوہ بھابھی اور اس کی بیٹیوں کو تشدد کا نشانہ بنایا-
شیر زمان کالونی راولپنڈی میں دیور نے اپنے ساتھیوں کے ساتھ مل کر اپنے بیوہ بھابھی اور اس کی بیٹیوں کو تشدد کا نشانہ بنایا،
ابتدائی رپورٹ کے مطابق ملزمان نے بیوہ خاتون اور اس کے بچوں پر بیلچوں سے تشدد کیا۔
پولیس حکام کے مطابق تھانہ سول لائنز کے علاقہ شیر زمان کالونی میں بیوہ خاتون اور انکی بیٹوں پر تشدد کے واقعہ کا اطلاع پر ایس ایس پی آپریشنز، ایس ڈی پی او اور ایس ایچ او سول لائنز فوری موقعہ پر پہنچ گئے۔
پولیس حکام کا کہنا ہے کہ بیوہ خاتون اور انکی بیٹیوں پر تشدد پر ملزم ریاض شاہ کو گرفتار کر کے مقدمہ درج کر لیا گیا ہے اور واقعے کی تحقیقات شروع کر دی گئی ہیں۔
کامران اصغر( ایس ایس پی آپریشنز ) کا کہنا ہے کہ ملزم ریاض شاہ متاثرہ بیوہ خاتون کا دیور ہے اور فیملی کے درمیان مکان کا تنازع چل رہا ہے، ملزم ریاض اپنے دوسرے بھائی افتخار شاہ سے مل کر حصہ مانگ رہا ہے جبکہ مکان متاثرہ بیوہ خاتون بکے مرحوم شوہر کے نام پر ہے۔
خاتون بیوہ اور ان کے دیوروں کے درمیان مکان کی ملکیت کے حوالے سے کیس معزز عدالت میں زیر سماعت ہے.
کامران اصغر(ایس ایس پی) سمیت دیگر پولیس افسران نے متاثرہ فیملی کے گھر جا کر ان کی خیریت بھی دریافت کی اور واقعے سے متعلق معلومات بھی حاصل کیں اور انہیں تعاون کا یقین دلایا۔ متاثرہ بیوہ خاتون نے شکایت کی کہ مجھ پر اور میرے بچوں پر میرے دیور ریاض شاہ نے تشدد کیا جبکہ دوسرے دیور افتخار شاہ نے فون پر دھمکیاں دیں،
