پشتون قومی جرگہ کے رہنما ملک نصیر احمد کوکی خیل کے خلاف درج کل 12 مقدمات میں سے سات مقدمات میں ضمانت منظور ہوگئی ہے۔
ملک نصیر احمد کوکی خیل کے وکیل شاہ محمد نےامریکی نشریاتی ادارے کو بتایا کہ ملک نصیر کوکی خیل کے خلاف خیبرپختونخوا کے مختلف اضلاع سمیت بلوچستان کے ضلع خضدار میں مقدمہ درج کیا گیا ہے۔
انہوں نے مزید کہا کہ ایک درخواست میں انہوں نے پشاور ہائی کورٹ سے کہا ہے کہ ان کے موکل کے خلاف ایک سے زائد مقدمات کو کسی ایک واقعے یا واقعے پر خارج کیا جائے۔
دوسری جانب کوکی خیل قومی کمیٹی کے سربراہ ملک برکت آفریدی نے بتایا کہ وہ 9 فروری کو جمرود میں ہونے والے احتجاج میں ملک نصیر کوکی خیل کی رہائی کے لیے آواز اٹھانے کا منصوبہ بنا رہے ہیں۔
واضح رہے کہ ملک نصیر احمد کوکی خیل کو خیبر پولیس نے 24 دسمبر 2024 کو جمرود سے گرفتار کیا تھا۔
