کے ایم یو کا ایم ڈی کیٹ ٹیسٹ کے نتائج کا اعلان

خیبر میڈیکل یونیورسٹی(کے ایم یو) پشاور نے ایم ڈی کیٹ ٹیسٹ کے نتائج کا اعلان کردیا۔

کے ایم یو کے مطابق 6 امیدواروں نے 192 نمبرز لے کر ایم ڈی کیٹ ٹاپ کرلیا۔ 11 امیدواروں نے 190 سے زیادہ نمبر لئے۔ 180 سے 189 تک 402 امیدواروں نے نمبرز لئے۔170 سے 179 تک 2 ہزار 982 امیدواروں نے نمبرز لئے۔

جاری اعدادوشمار کے مطابق 46 ہزار رجسٹرڈ امیدواروں میں سے 34 ہزار امیدواروں نے ٹیسٹ میں حصہ لیا جبکہ 11 ہزار 3 سو امیدوار ٹیسٹ میں غیر حاضر رہے۔

واضح رہے کہ گزشتہ ایم ڈی کیٹ ٹیسٹ بلیوٹوتھ اسکینڈل کے باعث کینسل کیا گیا تھا جس کے بعد ٹیسٹ منعقد کرانے کی ذمے داری ایٹا سے لے کر خیبر میڈیکل یونیورسٹی کی سپرد کی گئی تھی۔