نسوار پر ہونے والے حالیہ تحقیق میں انکشاف ہوا ہے کہ اس میں سرطان کا باعث بننے والے مضر صحت اجزا موجود ہیں۔
مذکورہ تحقیق انوویشن اینڈ کمرشلائزیشن (او آر آئی سی)، خیبر میڈیکل یونیورسٹی (کے ایم یو) اور پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) کے تعاون سے کی گئی۔
تحقیق کے مطابق نسوار میں نقصان دہ مادہ جیسے نکوٹین، نظر نہ آنے والی دھاتیں، اور افلاٹوکسن کے اجزا کی موجودگی پائے گی ہے جس کے باعث سرطان کی شکایت ہوسکتی ہے۔
تحقیق کے نگران ڈاکٹر شہزاد کے مطابق یہ تحقیق خیبر پختونخوا کے تمام 7 ڈویژنوں بشمول پشاور، مردان، ہزارہ، کوہاٹ، ڈی آئی خان، بنوں اور مالاکنڈ میں کی گئی ہے۔
نسوار کے 14 بڑے برانڈز کو منتخب کیا گیا اور ہر ڈویژن سے دو نمونے حاصل کیے گئے۔
انہوں نے مزید کہا کہ مطالعہ کا مقصد سب سے زیادہ استعمال ہونے والے برانڈز کے اجزاء کی چھان بین کرنا تھا۔
پاکستان میں ایک اندازے کے مطابق 8 فیصد آبادی پان، گٹکا اور نسوار سمیت مختلف بغیر دھوئیں والا تمباکو پر مبنی مصنوعات استعمال کرتی ہے۔ تاہم نسوار کا استعمال زیادہ تر صوبہ خیبر پختونخواہ میں عام ہے جہاں تقریباً 15 فیصد عام آبادی اسے استعمال کرتی ہے۔
