محکمہ انسداد دہشت گردی (سی ٹی ڈی) نے ضلع خضدار میں کارروائی کرتے ہوئے کالعدم تنظیم سے تعلق رکھنے والے 2 مبینہ دہشت گرد ہلاک کردیئے۔
کارروائی کے دوران دہشت گرد اور اس کے ساتھیوں سے فائرنگ کا تبادلہ ہوا، جس میں دو مبینہ دہشتگرد مارے گئے تاہم ان کے تین ساتھی فرار ہوگئے۔ترجمان سی ٹی ڈی نے بتایا کہ فائرنگ کے تبادلےمیں مارےگئے دومبینہ دہشت گردوں کا تعلق کالعدم تنظیم سے ہے۔
ہلاک ہونے والے مبینہ دہشتگرد کے سر کی قیمت دس لاکھ روپے مقرر کی گئی تھی ۔
یاد رہے چند ہفتے قبل لکی مروت کے علاقے تختی خیل میں سی ٹی ڈی پولیس اور سیکورٹی فورسز نے مشترکہ آپریشن کرتے ہوئے چار دہشت گرد ہلاک کر دیئے تھے۔
ترجمان نے بتایا تھا کہ ہلاک دہشت گردوں کے قبضے سے خودکار ہتھیار بھی برآمد کئے گئے جبکہ مارے گئے دہشت گرد پولیس پر ہونے والے حملوں اور دیگردہشت گرد کاروائیوں میں مطلوب تھے۔
