ضلع کرم کی تحصیل اپرکرم کے سرحدی علاقے پیواڑ میں بارودی سرنگ دھماکے میں ایک شخص جاں بحق جبکہ اس کا بیٹا زخمی ہوگیا۔
پولیس کے مطابق واقعہ خمزے کے پہاڑی علاقے میں اس وقت پیش آیا جب باپ بیٹا لکڑیاں کاٹنے کے لیے جا رہے تھے۔ کچے راستے میں نصب بارودی سرنگ پھٹنے سے حسن غلام موقع پر دم توڑ گیا جبکہ اس کا بیٹا صادق حسین شدید زخمی ہوا۔
لاش اور زخمی کو ڈسٹرکٹ ہیڈ کوارٹر اسپتال پاراچنار منتقل کردیا گیا۔
پولیس نے واقعے کی تحقیقات شروع کردی ہیں تاہم اب تک کسی تنظیم نے اس دھماکے کی ذمہ داری قبول نہیں کی۔
واضح رہے کہ رواں سال جون میںبھی پیواڑ میں بارودی سرنگ کے دھماکےمیں چار افراد جاںبحق اور چار زخمی ہوئے تھے.دھماکے میں زخمی ہونے والے افراد نے بتایا تھا کہ وہ روزمرہ کے معمول کے مطابق لکڑیاں لانے جا رہے تھے جب یہ افسوسناک واقعہ پیش آیا۔
