وادی تیراہ میں شدید برفباری کے دوران پولیس کے ڈی ایس پی مظہر آفریدی نے انسان دوستی اور ہمدردی کی اعلیٰ مثال قائم کی۔
گزشتہ شب ڈی ایس پی مظہر آفریدی نے برفباری میں پھنسے تین کمسن بہن بھائیوں کو شدید سردی سے بچانے کے لیے فوری اقدامات کیے۔
انہوں نے اپنی سرکاری جرسی ایک بچی کو پہنائی جبکہ اپنی گرم چادر اور اضافی کپڑے دونوں بھائیوں کو دے کر انہیں سردی سے محفوظ رکھا۔
ڈی ایس پی مظہر آفریدی بچوں کو اپنی گاڑی میں بٹھا کر محفوظ مقام پر لے گئے، انہیں کھانا فراہم کیا اور گاڑی کے اندر رکھا تاکہ وہ شدید سردی اور برفباری سے محفوظ رہ سکیں۔
بچوں کی حفاظت کے پیش نظر ڈی ایس پی پوری رات انہی کے ساتھ گاڑی میں موجود رہے اور اگلی صبح انہیں بحفاظت ان کے خاندان کے حوالے کیا۔
موقع پر موجود شہریوں نے ڈی ایس پی کے اس اقدام کو سراہتے ہوئے اسے انسانیت کی روشن مثال قرار دیا۔
واقعے کی ویڈیو سوشل میڈیا پر وائرل ہوئی تو صارفین نے بھی اس عمل کو دل کو چھو لینے والا اور قابلِ تحسین قرار دیا۔
