ضلع ٹانک کے نواحی علاقے کوٹ خدک میں نامعلوم افراد کی فائرنگ سے ایک ہی خاندان میں 4 افراد جاںبحق اور ایک زخمی ہوا ہے.
مقامی زرائع کے مطابق تھانہ گومل کی حدود ٹانک وزیرستان روڈ پر کوٹ خدک اڈے پر اس وقت پیش آیا جب بدرالدین نامی شخص اپنے بچوں اور بھتیجوں کے ہمراہ مسجد سے گھر جارہے تھے کہ ان پر نامعلوم افراد نے فائرنگ کی.
حملے کے نتیجے میں 4 افراد جاں بحق ہوگئے جن میں بدرالدین،ان کے دو بیٹے اور ایک بھتیجا شامل ہیں.فائرنگ سے ایک شخص زخمی ہوگیا جنھیں مقامی لوگوں نے اپنی مدد آپ کے تحت ڈسٹرکٹ ہسپتال ٹانک منتقل کردیا۔
واضح رہے کہ مذکورہ خاندان پر اس سے قبل عسکریت پسندوں نے حملہ کیا تھا اور جوابی فائرنگ میں ایک حملہ آور جاں بحق ہوا تھا۔
