وانا :ضلع جنوبی وزیرستان لوئر کی تحصیل وانا سےبراستہ ثمر باغ تحصیل توے خلہ جانے والی پولیس گاڑی پر اضرب کےعلاقے میں نامعلوم افراد نے فائرنگ کر دی۔
فائرنگ کے نتیجے میں ڈی ایس پی شدید زخمی ہوگئے جبکہ ایک پولیس اہلکار لاپتہ ہو گیا۔
پولیس کے مطابق زخمی ہونے والےڈی ایس پی رخمین کو فوری طور پر اسپتال منتقل کر دیا گیا ہے جہاں انہیں طبی امداد فراہم کی جا رہی ہے۔
دوسری جانب، لاپتہ پولیس اہلکار کی تلاش کے لیے سرچ آپریشن جاری ہے۔
واقعے کے بعد علاقے میں سیکیورٹی مزید سخت کر دی گئی ہے اور داخلی و خارجی راستوں کی نگرانی بڑھا دی گئی ہے۔
واضح رہے کہ آج جنوبی وزیرستان لوئرکے مختلف علاقوں میں کرفیو نافذ ہے۔ڈپٹی کمشنر کی جانب سے گذشتہ روز جاری اعلامیہ میں کہا گیا تھا کہ 3جولائی کو شکئی، تیارزہ، شولام، خامرنگ اور تنائی جانے والے تمام راستوں پر آمدورفت مکمل طور پر بند ہوگی۔
