جنوبی وزیرستان لوئر کی تحصیل برمل کے علاقے اعظم ورسک میں جمعیت علماء اسلام (ف) کے مقامی رہنما کے حجرے کے باہر دھماکہ ہوا ہے جس کے نتیجے میں مولانا سخی مرجان زخمی ہوگئے ہیں۔
مقامی ذرائع کے مطابق دھماکے کے فوراً بعد زخمی رہنما کو ڈسٹرکٹ ہیڈ کوارٹر ہسپتال وانا منتقل کر دیا گیا ہے جہاں اُن کا علاج جاری ہے۔
پولیس اور قانون نافذ کرنے والے اداروں نے واقعے کے بعد علاقے کو گھیرے میں لے کر شواہد اکٹھے کرنے کا عمل شروع کر دیا ہے۔
تاحال دھماکے کی نوعیت اور ذمہ داروں کے بارے میں کوئی باضابطہ بیان جاری نہیں کیا گیا۔
