جنوبی وزیرستان لوئر کی تحصیل برمل سے سابق طالبان کمانڈر مولانااحمد جان کی لاش برآمد ہوئی ہے.
مقامی زرائع کے مطابق مولانا احمد جان کاکاخیل کو دو روز قبل وانا کے علاقے وچہ خوڑا سے اغوا کیا گیا تھا.
زرائع کا کہنا ہے کہ منگل کے روز تحصیل برمل کے علاقے غورلامہ سے مولانا احمد جان کاکا خیل وزیر کی لاش برآمد ہوئی ہے.
پولیس نے ضروری کاروائی کے بعد لاش لواحقین کے حوالے کردی ہے اور واقعے کی تحقیقات شروع کردی ہے.
دو روز قبل تحصیل برمل کے علاقےنرگسئی میں وانا سے تعلق رکھنے والے سابق طالبان کمانڈر آریانہ وزیر کو قتل کیا گیا تھا .
مولانا احمد جان کون تھا
خبررساں ادارے خراسان ڈائری کے مطابق مولانا احمد جان تحریک طالبان پاکستان (ٹی ٹی پی ) کے سابق سربراہ حکیم اللہ محسود کے قریبی ساتھیوں میں شمار ہوتا تھا.انہوں نے حکیم اللہ محسود کے امریکی ڈرون حملے میںجاں بحق ہونے کے بعد ٹی ٹی پی کو خیر آباد کہنے کے بعدپاکستانی حکام کے سامنے ہتھیار ڈالے دیئے .مقتول اب ہتھیار ڈالنے والے طالبان کے ایک گروپ جگری گروپ میں تھے.
