کوئٹہ کے علاقے سبزل روڈ پودگلی چوک پر دھماکے سے ایک شخص جاںبحق جبکہ 13افراد زخمی ہوگئے ہیں ۔
میڈیا رپورٹس کے مطابق صوبائی دارالحکومت کوئٹہ کے علاقے سبزل روڈ پودگلی چوک پر دھماکے سے ایک شخص محمد مراد جاں بحق جبکہ 13افراد زخمی ہوگئے ہیں ۔
ہسپتال انتظامیہ کے مطابق ایک لاش اور 13 زخمیوں کو سول ہسپتال لایا گیا ، زخمیوں میں ایک خاتون بھی شامل ہے، زخمیوں کو سول ہسپتال کے ٹراما سینٹر میں طبی امداد فراہم کی جا رہی ہے۔زخمی ہونے والے افراد میں قدیر شاہ ،حسیب ،ولید،نوید ،حمزہ،شکیل،خادم حسین ،اویس حیدر،صائمہ،محمد اشرف،عبدالرشید ،فرازاور سرفراز شامل ہیں ۔دھماکے کی زد میں ایک رکشہ آیا جسے نقصان پہنچا، بم ڈسپوزل سکوارڈ دھماکے کے بعد موقع پر پہنچ گئی جہاں سے شواہد اکٹھے کیے جا رہے ہیں۔
