قبائلی ضلع کرم میں بارشوں سے متاثرہ مکان گر نے سے 4 بچوں سمیت 5 افراد جاں بحق اور 11 زخمی ہوگئے۔
ریسکیو کے مطابق یہ واقعہ وسطی کرم کےعلاقہ مسوزئی تری تنگ میں گزشتہ رات پیش آیا جس کے نتیجے میں گھر کے تمام افراد ملبے تلے دب گئے۔
ریسکیو اہلکاروں نےامدادی کارروائیاں کرتے ہوئے ملبے سے پانچ افراد کی لاشیں نکالیں جن میں 4 بچے اور 1 خاتون شامل ہیں جب کہ 11 زخمیوں کو بھی ملبے سے نکالا گیا جنہیں صدہ اسپتال پہنچا دیا گیا ،7 زخمیوں کی حالت تشویش ناک بتائی جارہی ہے۔
