جنوبی وزیرستان سے تعلق رکھنے والے مارشل آرٹ کے کھلاڑی عرفان محسود نے 60واں عالمی ریکارڈ قائم کرلیا۔
عرفان محسود نے اٹلی سے تعلق رکھنے والے معروف گینیز ورلڈ ریکارڈ ہولڈر سیلویو سبا کا 60 پاونڈ وزن کے ساتھ 92.6 سینٹی میٹر اونچا چمپ کا ریکارڈ96 سینٹی میٹر جمپ کر کے توڑ دیا۔
عرفان محسود کے مطابق انھیں گینیز بک آف ورلڈ ریکارڈ انتظامیہ کی جانب سے ریکارڈ تصدیقی ای میل موصول ہوچکی ہے۔
واضح رہے کہ عرفان محسود نے اس سے قبل ایک منٹ میں 100 پاونڈ وزن کے ساتھ 22 سکواٹ ٹرسٹ کر کےمصر کے محمود محمد ایوب کا 18 سکواٹ ٹرسٹ کا گینیز ورلڈ ریکارڈ توڑ دیاتھا۔
