بلوچستان کے ضلع چاغی کی تحصیل دالبندین میں پانچ افراد کی لاشیں برآمد ہوئی ہیں جنھیںگولیاں مار کر قتل کیا گیا ہے.
مقامی زرائع کے مطابق ان افراد کی لاشوں کو گورنمنٹ بوائز ڈگری کالج سے متصل آبادی والے علاقے میں بجلی کے کھمبوں سے باندھا گیا تھاجنھیں جمعے کی صبح مقامی لوگوں نے دیکھیں۔
لاشوں کی تصاویر سے معلوم ہوتا ہے کہ ان افراد کو گولیاں مارکر قتل کیا گیا۔ تاحال ان افراد کی شناخت نہیں ہوئی اور نہ ہی ان کے قتل کی تصدیق شدہ وجوہات سامنے آئی ہیں۔
ریسکیو عملے کی جانب سے لاشوں کو کھمبوں سے الگ کرکے اسپتال منتقل کیا گیا جب کہ پولیس نے جائے وقوع سے شواہد اکٹھے کرکے تحقیقات شروع کردی ہے۔
خیال ظاہر کیا جارہا ہے کہ یہ کارروائی ایران میں سرگرم مسلح شدت پسند تنظیم جیش العدل کی ہوسکتی ہے جس نے کچھ عرصہ قبل اپنے مقتول رہنماء مراد نوتیزئی کی قتل کے الزام میں پانچ افراد کو گرفتار کرکے ان کا اعترافی وڈیو بھی جاری کیا تھا۔
