خیبرپختونخوا کے ضلع کرم میں مسافر گاڑی پر نامعلوم افراد کی فائرنگ سے 2 افراد جاں بحق جبکہ 4 زخمی ہوگئے ہیں۔
پولیس زرائع کے مطابق اپر کرم میں بائی پاس روڈ پر لوئر کرم سے سپینہ شگہ جانیوالی مسافر پک اپ پرنامعلوم مسلح افراد نےفائرنگ کی ۔
فائرنگ کے نتیجے میں دو افراد جاں بحق جبکہ چار زخمی ہوگئے جنہیں ڈی ایچ کیو ہسپتال پارہ چنار پہنچا دیا گیا ہے جہاں ان کو طبی امداد فراہم کی جارہی ہے.
حملہ آور فائرنگ کے بعد فرار ہونے میں کامیاب ہوگئے۔
واضح رہے کہ ضلع کرم میں مسافر گاڑیوں کے واقعات اس سے پہلے بھی پیش آچکے ہیں،رواں سال 7 جنوری کو تحصیل صدہ میں مسافر کوچ اور کار پر نامعلوم افراد کی فائرنگ سے خاتون اور سکیورٹی اہلکاروں سمیت 4 افراد جاں بحق اور 3 زخمی ہو گئےتھے۔
