خیبرپختونخوا کے محکمہ تعلیم کی تمام سرکاری خط و کتابت کے لیے ڈیجیٹل سسٹم لازمی قرار دے دیا گیا ہے۔
محکمہ ابتدائی و ثانوی تعلیم خیبر پختونخوا کے جاری کردہ ایک اعلامیے میں بتایا گیاہے کہ محکمے کے نوٹیفکیشن مورخہ 28 اکتوبر 2025 کے تسلسل میں صوبائی وزیرِ ابتدائی و ثانوی تعلیم نے سخت ہدایات جاری کی ہیں کہ بروز پیر، 8 دسمبرسے محکمہ کی تمام سرکاری مراسلت اور دفتری امور صرف خیبر پختونخوا ڈیجیٹل ورک اسپیس (KP-DWS)کے ذریعے ہی انجام دیے جائیں گے۔
اس میں ای ریسیونگ و اجرا، ای نوٹ شیٹ اور سرکاری خطوط کی ترسیل شامل ہوگی۔
اعلامیے کے مطابق محکمہ کے تمام سیکشنز کو ہدایت کی گئی ہے کہ وہ KP-DWS کے R&I ماڈیول کا استعمال فوری طور پر شروع کردیں۔
5 دسمبر 2025 کے بعد دستی وصولی اور اجراء مکمل طور پر ممنوع ہوگا۔محکمہ نے مزید واضح کیا کہ ان احکامات کی خلاف ورزی کو سختی سے لیا جائے گا۔
