اسلام آباد: وفاقی حکومت نے سود سے متعلق وفاقی شرعی عدالت کے فیصلےکے خلاف اپیلیں واپس لینے کا اعلان کردیا ہے۔
یہ اعلان وفاقی وزیر خزانہ سینیٹر اسحاق ڈار نے جاری کردہ ویڈیو بیان میں کیا ہے۔ انہوں نے کہا ہے کہ سودی معیشت پر وفاقی شرعی عدالت کے فیصلے کے خلاف اپیلیں واپس لے رہے ہیں۔
پاکستان مسلم لیگ (ن) کے مرکزی رہنما سینیٹر اسحاق ڈار نے کہا کہ حالیہ دنوں میں وفاقی شرعی عدالت نے سودی نظام کے خلاف فیصلہ دیا تھا جس پر اسٹیٹ بینک آف پاکستان نے سپریم کورٹ سے رجوع کیا تھا۔
وفاقی وزیر خزانہ سینیٹر اسحاق ڈار نے کہا کہ ملک میں اسلامی بینکاری کے نظام کو آگے بڑھا رہے ہیں اور ملکی معیشت کی بہتری کے لیے حکومت اہم اقدامات کر رہی ہے۔
