خیبرپختونخوا کے ضلع کوہاٹ کےسابقہ نیم قبائلی علاقے
درہ آدم خیل میں کوئلے کی کان میں گیس بھر جانے سے دھماکہ ہوا جس کے نتیجے میں 3 مزدور جاں بحق ہوگئے۔
کول مائنز کے مقامی ترجمان کے ابتدائی بیان کے مطابق یہ واقعہ منگل کو درہ آدم خیل کے علاقہ اخور وال کی حدود میں واقع بام کول کمپنی کے سیکشن ٹومیں ایک کوئلہ کان میں پیش آیا۔
جاں بحق ہونے والوں میں محمد سلیمان، عبدالہادی اور گل حبیب شامل ہیں جن کا تعلق شانگلہ سے بتایا جاتا ہے۔
واقعہ کی اطلاع ملتے ہیامدادی کاروائیاں شروع کردی گئیں اور جاں بحق افراد کی لاشیں اور متاثرہ کان کنوں کو فوری طور پر مقامی ہسپتال منتقل کر دیا گیا۔
