خیبر پختونخوا کے نومنتخب وزیر اعلیٰ محمد سہیل آفریدی نے صوبے میں قیام امن کے لیے 25 اکتوبر کو ضلع خیبر میں ایک بڑے ’امن جرگے‘ کے انعقاد کا اعلان کیا ہے۔
محمد سہیل آفریدی سوشل میڈیا پلیٹ فارم ایکس پر جاری بیان میں کہا کہ خیبر پختونخوا کے عوام کی زندگی اور ان کے مستقبل کا فیصلہ صوبے کے لوگ خود کریں گے۔کسی کو بھی بند کمروں کے فیصلوں کو عوام پر مسلط کرنے کی اجازت نہیں دی جائے گی۔
انہوں نے مزید کہا کہ اس سلسلے میں قیام امن کے لیے بروز ہفتہ 25 اکتوبر 2025 کو ضلع خیبر کی تحصیل باڑہ میں تمام سیاسی وابستگیوں سے بالاتر ہو کر قبائلی عمائدین، مشران اور نوجوانوں کا بڑا امن جرگہ منعقد کیا جائے گا۔
وزیراعلی نے اپنی پوسٹ میں لکھا کہ خیبر پختونخوا کی حکومت عمران خان کے نظریے اور صوبے کے عوام کے مفاد کے ساتھ کھڑی ہوگی انشاءاللہ۔
