خیبرپختونخوا کے ضلع بنوں کے سابقہ نیم قبائلے علاقے بکاخیل سے نامعلوم افراد نےسوئی ناردرن گیس پائپ لائنز لمیٹڈ(ایس این جی پی ایل) کے تین ملازمین کو گاڑی سمیت اغوا کرلیا ہے۔
یہ واقعہ گذشتہ روز پیش آیا ہے ۔مقامی زرائع کے مطابق ملازمین گاڑی میں ڈیزل لوڈ کرکے لے جا رہے تھے کہ انہیں نامعلوم مسلح افراد نے اغواء کر لیا۔
اغوا کاروں نے مغویان کی ایک مختصر ویڈیو بھی بنائی ہے جس میں وہ اپنی رہائی کے لیے اغواء کاروں کے مطالبات پورے کرنے کی درخواست کر رہے ہیں۔
ویڈیو میں یہ بھی سننے کو ملتا ہے کہ مغویان اپنے اہل خانہ اور متعلقہ حکام سے مدد کی اپیل کر رہے ہیں۔
مغوی ملازمین کے بارے میں معلوم ہوا ہے کہ ان کا تعلق پنجاب سے ہے اور وہ بکا خیل میں ایس این جی پی ایل کی ٹیم کا حصہ تھے۔
