ضلع خیبر کی تحصیل باڑہ میں نامعلوم افراد نے پولیو ٹیم پر حملہ کردیا جس کے نتیجے میں ایک پولیو ورکر اور پولیس اہلکار زخمی ہوگئے۔
مقامی زرائع کے مطابق تھانہ باڑہ برقمبر خیل میں عربی مسجد کے قریب نامعلو م افراد نے پولیو ٹیم پر حملہ کیا ہے۔
فائرنگ سے پولیس اہلکار گل کریم اور پولیو ورکر عبداللہ زخمی ہوگئے جن کو حیات آباد میڈیکل کمپلیکس منتقل کردیا گیا ہے۔
واقعے کے بعد پولیس کی بھاری نفری جائے وقوعہ پہنچ گئی اور علاقے کو گھیرے میں لے کر سرچ آپریشن شروع کردیا گیا ہے۔
