جنوبی وزیرستان لوئر کی تحصیل برمل کے علاقے اعظم ورسک میں ایک مسجد میں دھماکہ ہوا ہے جس کے نتیجے میں ایک عالم دین جاں بحق جبکہ 6 افراد زخمی ہوئے ہیں۔
ریسکیو 1122 کے مطابق اتوار کے روز عصر کے وقت اعظم ورسک بازار میں ایک مسجد میں دھماکہ ہواہے۔
دھماکہ کے نتیجے میں ایک عالم دین مفتی اعجاز جاں بحق ہوگئے ہیں جبکہ مسجد کے مہتمم مولانا شہزادہ سمیت 6 افراد زخمی ہوئے ہیں۔
واقعہ کے بعد زخمیوں کو ڈسٹرکٹ ہیڈ کوارٹر ہسپتال وانا منتقل کردیا گیاہے جہاں مولانا شہزادہ سمیت دو زخمیوں کی حالت تشویشناک بتائی جاتی ہے۔
ریسکیو حکام کے مطابق دھماکہ مسجد کے اندر ہوا ہے۔
دوسری جانب اتوار کی رات ہی اعظم ورسک میں ایک سرکاری سکول میں دھماکہ ہوا ہے۔
ایس ایچ او عثمان وزیر نے میڈیا کو بتایا کہ آدھی رات کو نامعلوم مسلح افراد نے بلڈنگ کے اندر بارودی مواد نصب کر دیا تھا جس سے دھماکہ ہوا۔ پولیس نے جائے وقوعہ پر پہنچ کر واقعے کی تحقیقات شروع کی ہے۔
