پراونشل ڈیزاسٹر منیجمنٹ اتھارٹی(پی ڈی ایم اے) خیبر پختونخوا نے شمالی وزیرستان کے آپریشن ضرب عضب کے متاثرین کیلئے 35 کروڑ روپے کے فنڈزجاری کردیئے ۔
گذشتہ روز پی ڈی ایم اے سے جاری بیان میں کہا گیا ہے کہ مذکورہ رقم شمالی وزیرستان کے متاثرین کیلئے بطور نقد مالی امداد اور راشن الاؤنس جاری کیا گیا ہے۔
بیان میں مذید کہا گیا ہے کہ فنڈز ایک دو دنوں میں حسب معمول موبائل سم کارڈ میسجنگ کے ذریعے سے 17 ہزار کے قریب رجسٹر ڈ اور
تصدیق شدہ متاثرین خاندانوں کو موصول ہو نا شروع ہو جائینگے۔
حالیہ ریلیز شدہ فنڈز اس سلسلے کی 116ویں قسط ہے جو شمالی وزیرستان کے اپریشن ضرب عضب کے ان متاثرین کو باقاعدگی سے ہر ماہ جاری کئے جاتے ہیں جن کی ابھی تک واپسی نہیں ہوئی ہے۔
پریس ریلیز کے مطابق ہر تصدیق شدہ متاثرہ خاندان کو 12 ہزار روپے بطورنقد مالی امداد جبکہ اٹھ ہزار روپے راشن کی مدمیں ہر ماہ باقاعدگی سے دئے جارہے ہیں تا کہ ان لوگوں کی مالی مشکلات کوکم سے کم کیا جا سکے۔
ڈائریکٹر پی ڈی ایم اے ثوبیہ حسام طورو کے مطابق یہ فنڈز اس رقم کے علاوہ ہے جو کہ قدرتی آفات سے متاثرہ خاندانوں
کو دی جارہی ہے۔
انہوں نے مزید بتایا کہ شمالی وزیرستان کے 18 ہزار کے قریب متاثرین خاندان ایسے ہیں جن کی ابھی تک واپسی نہیں ہوئی ہے اور جن میں سے بیشتر کا تعلق شمالی وزیرستان کے تحصیل دتہ خیل سے ہے۔
