ایوان صدر اسلام آباد میں یوم پاکستان کے موقع پر سول اعزازات دینےکی تقریب میں جنوبی وزیرستان اپر،جنوبی وزیرستان لوئر اور شمالی وزیرستان سے تعلق رکھنے والے 5 شخصیات کو مختلف شعبوں کارہائے نمایاں سرانجام دینے پر اعزازات سے نواز گیا .
63 گینیز ورلڈ ریکارڈ بنانے والے محمد عرفان محسود کو کھیل کے شعبوں میں صدارتی ایوارڈ برائے حسن کارکردگی سے نوازا گیا جبکہ شیر عالم محسود مرحوم سابقہ فیڈرل سیکرٹری کو ان کی خدمات پر حلال امتیاز سے نوازا گیا.
ملک محمد حسن،ملک گینگڑائی اور ملک شمالی خان کو علاقے میں امن کے قیام اور نامساعد حالات میں سیکیورٹی فورسز کاساتھ دینے پر ستارہ شجاعت سے نوازہ گیا۔
ایوان صدر کے علاوہ پنجاب، بلوچستان اور خیبرپختونخوا کے گورنر ہاؤس میں بھی اعزازات دینے کی تقاریب ہوئیں۔
مرحوم شاعر اور ادیب امجد اسلام امجد کا ایوارڈ ان کے بیٹے نے وصول کیا، سینیئر صحافی مجیب الرحمان شامی، جاوید چوہدری اور ندیم ملک بھی ایوارڈ حاصل کرنے والوں میں شامل ہیں۔
قومی ٹیم کےکپتان بابراعظم کو ستارہ امتیاز سے نواز دیا گیا،مشہور شاعر ساغر صدیقی کو بھی ستارہ امتیاز بعد از وفات دیا گیا، ان کا ایوارڈ سیکرٹری وزارت قومی ورثہ نے وصول کیا۔
پی کے ایل آئی کے بورڈ آف گورنرز کے چیئرمین ڈاکٹر سعید اختر اور معروف سماجی رہنما رمضان چھیپا کو بھی اعزاز سے نوازا گیا۔
معروف علمی شخصیت ڈاکٹر انیس احمد اور عالم دین مولانا حنیف جالندھری کو بھی اعزاز سے نوازا گیا۔
معروف اداکار بہروز سبزواری، میزبان اور گلوکار فخر عالم اور پاکستان کرکٹ ٹیم کےکپتان بابراعظم بھی اعزاز پانے والوں میں شامل ہیں، بابر اعظم نے اپنا اعزاز گورنر ہاؤس لاہور میں ہونے والی تقریب میں وصول کیا۔
گورنر سندھ کامران خان ٹیسوری کو بھی نشان امتیاز سے نوازا گیا۔
ان کے علاوہ عوامی خدمات کے اعتراف میں سرتاج عزیز، میر حاصل بزنجو، رئیس الاحرار، چوہدری غلام عباس خان مرحوم، جسٹس ریٹائرڈ رانا بھگوان داس (آنجہانی) کو اور احمد غلام علی چھاگلہ (مرحوم) کو موسیقی کے فن، صوفی غلام مصطفی تبسم (مرحوم) کو شاعری، محمد قوی خان کو ڈرامہ، فلم اور اسٹیج اداکاری میں کارہائے نمایاں سرانجام دینے پر نشان امتیاز سے نوازا گیا۔
صدر مملکت نے عامر نواز خان شہید ، محمد کامران شہید ، کرنل ریٹائرڈ محمد عارف ، محمد عثمان شہباز، ڈاکٹر کامران احمد، شیر احمد (فیصل بلوچ) ، تنویر حسین، امجد احمد ، مظہر نوازشیخ ، بشیر احمد بروہی ، فرنٹیئر کانسٹیبلری کے ذیشان احمد ، نوید احمد، ضیاء الرحمان ، شہید جاوید اللہ ، ڈاکٹر اکبر ناصر انسپکٹر جنرل پولیس اسلام آباد ، سہیل ظفر چٹھہ ، صادق شاہ ، راجہ محمد ماجد ، محمد بلال راجہ ، مبشرسلیم ، منہاس احمد خان ، اعجاز حفیظ ، عقیل احمد صدیقی سمیت وسیم احمد خان کو بہادری پر تمغہ شجاعت سے نوازا۔
