زاہد وزیر
شمالی وزیرستان کی تحصیل شیواہ میں دو فریقین کے درمیان لڑائی کے دوران فائرنگ نتیجے میں 4 افراد جاں بحق اور 2 زخمی ہوگئے۔
شیواہ تھانہ پولیس کے مطابق سیفالی کابل خیل گاؤں میں دو فریقین نے لڑائی جھگڑے کے دوران ایک دوسرے پر فائرنگ کردی۔
واقعے کے بعد زخمیوں اور وفات شدہ افراد کی لاشیں تحصیل ہیڈکواٹر ہسپتال میرعلی منتقل کی گئیں جہاں زخمیوں کا علاج جاری ہے جبکہ وفات شدگان کی لاشیں پوسٹ مارٹم کے بعد لواحقین کو حوالہ کی گئیں ۔
واقعے میں جاں بحق افراد کی شناخت عبداللہ والد ایل محمد،افضل ولد سمارالدین،سیلات والد ایل محمداور مامور عرفات والد عطاءاللہ جان کے ناموں سے ہوئی ہے جبکہ زخمیوں میں امیر محمد والد عبداللہ اور زین اللہ والد سیلات شامل ہیں۔
پولیس نے واقعہ کی تحقیقات شروع کردی تاہم اب تک کوئی گرفتاری ممکن نہ ہوسکی۔
