خیبرپختونخوا کے ضلع شمالی وزیرستان کی تحصیل رزمک میں گھر کے اندر فائرنگ سے خاتون سمیت تین افراد جاں بحق ہوگئے ہیں۔
پولیس کے مطابق گڑدائی روغہ کے علاقے میں یہ واقعہ پیش آیا ہے۔
واقعہ کےبعد لاشوں کو پوسٹ مارٹم کے لیے رزمک اسپتال منتقل کر دیا گیا ۔ مقتولین کا تعلق ایک ہی خاندان سے بتایا جاتا ہے اور آپس میں رشتہ دار ہیں ۔
ملزمان موقع واردات سے فرار ہوگئے ہیں ۔ پولیس نے نامعلوم افراد کے خلاف مقدمہ درج کر لیا ہے اور ملزمان کی گرفتاری کیلئے چھاپے جاری ہیں ۔
