’نیو‘ کی نئی انٹری لیول الیکٹرک گاڑی، فائر فلائی نے 2025 شنگھائی آٹو شو میں عالمی سطح پر اپنا آغاز کر دیا ہے۔
ایک سستی، کمپیکٹ ہیچ بیک کے طور پر ڈیزائن کی گئی فائر فلائی نیو کو نئی الیکٹرک مہران گاڑی کے طور پر جانا جا راہ ہے جو اس وقت دُنیا بھر میں تیزی سے مقبول ہو رہی ہے۔
نیو کے چیف ایگزیکٹو آفیسر (سی ای او) ولیم لی نے اعلان کیا کہ فائر فلائی کئی ممالک میں تھرڈ پارٹی ڈسٹری بیوٹرز اور مقامی پارٹنرز کے ذریعے لانچ کی جائے گی۔
اس تبدیلی سے فائر فلائی کی پاکستان جیسے ممالک میں آمد کے امکانات بڑھ گئے ہیں، جہاں متعدد چینی آٹومیکرز پہلے ہی ڈسٹری بیوٹرز اور مینوفیکچررز کے ساتھ مقامی شراکت داری کے ذریعے کام کر رہے ہیں۔
گاڑی کو گنجان آبادی والے علاقوں جہاں ٹریفک جام اور تنگ گلیاں ہوتی ہیں ان کو مد نظر رکھتے ہوئے تیار کیا گیا ہے۔
اس کے سستا اور بہترین چارجنگ کا نظام اسے دیگر براعظموں میں بھی ممتاز بنانے جا رہا ہے۔کمپنی کا دعویٰ ہے کہ یہ اس کی بیٹری کی ترتیب پر منحصر ہے، یہ 5 منٹ کے چارج میں 300 کلومیٹر سے 400 کلومیٹر تک کا سفر کر سکتی ہے۔
اس گاڑی میں بیٹری سویپ ٹیکنالوجی انسٹال کی گئی ہے، اگرچہ موجودہ سویپ اسٹیشن ابھی تک مطابقت نہیں رکھتے تاہم آئندہ سال متوقع ففتھ جنریشن سوئپ اسٹیشنز نیو اور اونوو گاڑیوں کے ساتھ فائر فلائی کے لیے مدد گار ثابت ہوں گے۔
سویپ اسٹیشنوں کی غیر موجودگی میں اس کے لیے روایتی فاسٹ چارجنگ دستیاب ہوگی۔
اس گاڑی کو ڈیجیٹل ڈسپلے اور موبائل ایپ کنٹرولز اور اوور دی ایئر اپ ڈیٹس سے مزید بہتر بنایا گیا ہے
توقع ہے کہ نیو کی لائن اپ میں سب سے سستی گاڑی ہوگی، اس کے بارے میں کہا جا رہا ہے کہ یہ کم بجٹ والے افراد کے لیے ہی ڈیزائن کی گئی ہے۔
چین میں فائر فلائی کی فراہمی 29 اپریل 2025 سے شروع ہوگی۔ جون اور اگست 2025 کے درمیان میں یہ یورپین مارکیٹ میں لانچ کی جائے گی۔
اگر توسیع ہوتی ہے تو پاکستان سمیت ایشیائی مارکیٹوں کے لیے دائیں ہاتھ ڈرائیونگ کے ماڈلز اکتوبر 2025 تک متوقع ہیں
