خیبر پختونخوا کے ضلع اورکزئی کی تحصیل اپر اورکزئی کے علاقے ماموزئی میں ایف سی کی گاڑی پر ریموٹ کنٹرول بم دھماکے میں 2 ایف سی اہلکار جانبحق جبکہ 5 زخمی ہو گئے۔
پولیس کے مطابق آج صبح دس بجے کے قریب تورسمت روڈ پر فرنٹیئر کور (ایف سی) 216 وِنگ کی گاڑی کو ریموٹ کنٹرول آئی ای ڈی سے نشانہ بنایا گیا۔
دھماکے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا جبکہ جاں بحق اہلکاروں کی لاشوں اور زخمیوں کو ہسپتال منتقل کردیا۔
دھماکے کے نتیجے میں جاں بحق ہونے والے اہلکاروں کی شناخت حوالدار الطاف، سپاہی خیر دین کے نام سے ہوئی ہے جن کا تعلق کرک اور وزیرستان سے ہے۔
زخمی ہونے والے اہلکاروں میں نائک عزیز، سپاہی حاضر، سپاہی راج ولی، سپاہی جبریل اور شاہد شامل ہیں۔
