جنوبی وزیرستان اپر کی تحصیل مکین میں بارودی سرنگ کے دھماکے 2 بچے زخمی ہوگئے ہیں۔
مقامی ذرائع کے مطابق آج صبح مندیچ کے علاقے میں دو بچے بارودی سرنگ کا شکار ہوگئے۔
زخمی بچوں کو ابتدائی طبی امداد کے بعد تشویشناک حالت میں بنوں منتقل کردیا گیا ہے۔
دھماکے میں زخمی ہونے والے حزب اللہ ولد حمید اللہ کی عمر دس سال اور ابوبکر ولد سیرات خان کی عمر بارہ سال بتائی جارہی ہے۔
واضح رہے کہ جنوبی وزیرستان اپر کے مختلف علاقوں میں بارودی سرنگوں کے واقعات رونما ہوتے رہتے ہیں۔
رواں سال 13 اپریل کو جنوبی وزیرستان اپر کی تحصیل شوال میں بارودی سرنگ کے دھماکے میں 3 بچے جاں بحق ہوگئے تھے۔
